काठमाडौं । सभामुख देवराज घिमिरे र दलका प्रमुख सचेतक तथा सचेतकबिच प्रतिनिधि सभाको आगामी हिउँदे अधिवेशनमा धेरैभन्दा धेरै विधेयक पारित गरेर कानुनहरु बनाउनेबारे छलफल भएको छ ।
सिंहदरवारस्थित सभामुखको कार्यकक्षमा भएको छलफलमा माघ २२ गतेदेखि सुरु हुने संसदको सहउँदे अधिवेशनलाई प्रभावकारी बनाउने सम्बन्धमा सहमति भएको छ ।
सदनलाई व्यवस्थित र प्रभावकारी बनाउन क्यालेन्डरअनुसार चलाउने तयारीका बारेमा छलफल भएको राष्ट्रिय प्रजातन्त्र पार्टी (राप्रपा)का प्रमुख सचेतक ज्ञानेन्द्र शाहीले बताए ।
संसद र समितिका बैठकहरु नियमित हुने हुँदा सांसदहरुले गृह जिल्ला जान नपाएको भन्दै शाहीले यो विषय पनि क्यालेण्डरमा राख्ने विषयमा छलफल भएको बताए ।
त्यस्तै, एमालेका प्रमुख सचेतक पदम गिरीले संसदमा विद्युतीय हाजिरी सुरु गर्ने विषयमा ध्यानाकर्षण गराएको बताए ।
सुरु हुन लागेको संसदको हिउँदे अधिवेशनको पहिलो दिनबाटै विद्युतीय हाजिरी सुरु हुने उनको भनाइ थियो ।
त्यस्तै नेपाली कांग्रेसका प्रमुख सचेतक रमेश लेखक हिउँदे अधिवेश्नमा बढि भन्दा बढि कानून बनाउने विषयमा गम्भिर छलफल भएको बताए ।
संसद्को हिउँदे अधिवेशन यही माघ २२ गते सोमबारदेखि सुरु हुँदैछ ।
प्रतिक्रिया