काभ्रेपलाञ्चोकमा कार र टिपर ठोक्किँदा तीन जना गम्भीर घाइते

काठमाडौं । काभ्रेपलाञ्चोकको भुम्लु गाँउपालिका-१० दोलालघाटमा सोमबार बेलुकी कार र टिपर ठोक्किँदा कारमा सवार तीन जना गम्भीर घाइते भएका छन् ।

घाइते तीनै जनाको धुलिखेल अस्पतालमा उपचार भइरहेको प्रहरीले जनाएको छ । घाइतेहरूको पहिचान खुल्न बाँकी रहेको छ ।

चरिकोटबाट काठमाडौं आउदै गरेको ग २ च ७०९२ नम्बरको कार र विपरीत दिशाबाट जादै गरेको बा ४ ख ४९१८ नम्बरको टिपर हिजो बेलुकी सवा ८ बजे ठोक्किएका थिए ।

टिपर चालकलाई प्रहरीले नियन्त्रणमा लिएको छ ।