काठमाडौं । सप्तरीमा गुडिरहेको मालबाहक ट्रकमा अचानक आगलागी हुँदा ट्रकको अगाडिको भाग पूर्ण रुपमा क्षति भएको छ ।
सोमबार मध्यरातमा पूर्व–पश्चिम राजमार्ग अन्तर्गत हनुमाननगर कंकालिनी नगरपालिका–१ स्थित धकंकालिनी मन्दिर र कोशी व्यारेजको बीचमा पूर्वबाट पश्चिमतर्फ जाँदै गरेको ना. ६ख ५२६३ नम्बरको ट्रकमा आगलागी भएको प्रहरीले जनाएको छ ।
प्रहरीका अनुसार ट्रकको वाइरिङ सर्ट भएर आगलागी भएको हो ।
आगलागीका कारण केहीबेर राजमार्ग अवरुद्ध समेत भएको थियो ।
नेपाल तथा सशस्त्र प्रहरी एवम् हनुमाननगर कंकालिनी नगरपालिकाको दमकलको आगो नियन्त्रणमा लिएको थियो ।
प्रतिक्रिया