काठमाडौं । इन्डियन प्रिमियर लिग (आईपीएल) टि–२० क्रिकेटमा आज (सोमबार) पन्जाब किङ्स र चेन्नई सुपर किङ्सबीच प्रतिस्पर्धा हुँदैछ ।
मुम्बईमा हुने दुई टोलीबीचको खेल सोमबार राति ७:४५ बजे सुरू हुनेछ । पन्जाब सोमबार चौंथो जितको खोजीमा रहेको छ । पन्जाब ७ खेलमा ६ अंक जोडेर आठौं स्थानमा रहेको छ । चेन्नई सोमबार तेस्रो जित निकाल्न चाहन्छ ।
चेन्नई ७ खेलमा ४ अंक जोडेर नवौं स्थानमा रहेको छ । दुई टोलीबीचको पछिल्लो भेटमा चेन्नई बलियो देखिएको छ । चेन्नईले ३ खेल जितेको छ भने पन्जाबले दुई खेल जितेको छ ।
यसै सिजनको पहिलो खेलमा पन्जाबले चेन्नईलाई हराएको थियो ।
प्रतिक्रिया