पोखरा महानगर एकीकृत समाजवादीलाई परेपछि कास्की कांग्रेस रुष्ट, पार्टी कार्यालयमा ताला

काठमाडौं । भागबण्डाका क्रममा पोखरा महानगरपालिका नेकपा एकीकृत समाजवादी पार्टीको भागमा परेपछि कास्की कांग्रेस रुष्ट भएको छ ।

कास्की कांग्रेसले केन्द्रको निर्णय नमान्ने भन्दै परिणाम फरक हुन सक्ने चेतावनी दिएको छ । यसैबीच, आज कास्की पार्टी कार्यालयमासमेत ताला लगाइएको छ ।

कास्की काङ्ग्रेस महानगर समितिले केन्द्रको निर्णयको विरोधमा पार्टी कार्यालयमा ताला लगाएको हो ।

गठबन्धनको मंगलबारको बैठकले पोखरा महानगरपालिका एकीकृत समाजवादीलाई दिने निर्णय गरेको थियो ।