काठमाडौं। सिटिजन्स बैंक इन्टरनेसनल लिमिटेडका ग्राहकलाई द द्वारीकाज् होटलमा विशेष छुट पाइने भएको छ ।
मङ्गलवार बैंक र होटलबीच विशेष छुट दिने साझेदारी पत्रमा हस्ताक्षर भएको हो ।
साझेदारी अनुसार बत्तिसपुतली, काठमाडौं स्थित द द्वारीकाज् होटल द्वारा सञ्चालित माकोज् रेस्टुरेन्ट र तोरन रेस्टुरेन्टमा बैंकका कार्डवाहक ग्राहकले १० प्रतिशतसम्मको छुट पाउनेछन् ।
उक्त सहकार्यबाट बैंकका ग्राहकहरू लाभान्वित हुनुका साथै नगद कारोबारबाट डिजिटल कारोबार तर्फ उत्प्रेरित हुने विश्वास बैंकले लिएको छ । साथै, डिजिटल कारोबार गर्दा पाइने छुट सम्बन्धी विस्तृत विवरणहरू सिटिजन्स बैंकको वेबसाइटमा प्राप्त गर्न सकिन्छ ।
बैंकले देशैभरि १८८ शाखा, १४८ एटीएम र ९७ वटा शाखा रहित बैंकिङ्ग इकाईहरूबाट ग्राहकलाई बैंकिङ्ग सेवाहरू प्रदान गर्दै आएको छ ।
प्रतिक्रिया