सुनसरी। जनता समाजवादी पार्टी (जसपा) नेपाल प्रदेश सरकारमा सहभागी हुने या नहुने विषयमा छलफल गर्न प्रदेश समितिको बैठक अहिले सुनसरीको इटहरीमा सुरु भएको छ ।
पार्टीले कोशी प्रदेश सरकारका मुख्यमन्त्री केदार कार्कीलाई विश्वासको मत दिएको छ । तर सरकारमा सहभागी हुने या नहुने अन्योल भएको बेला जसपा प्रदेश समितिले त्यसको बारेमा छलफल गर्न बैठक बोलाएको हो ।
एमालेको सहयोगमा बनेको सरकारमा सत्ता गठबन्धन दल सहभागी हुने या नहुने अझै अन्योल छ । मुख्यमन्त्री कार्कीले भने सत्ता गठबन्धनमा रहेका दललाई पनि सरकारमा सहभागी गराउने भन्दै आएका छन् ।
तर यसमा एमालेले मानेको छैन । सरकारमा सहभागी हुने कि नहुने विषयमा जसपा कोशी प्रदेशले टुङ्गो लगाउन लागेको पार्टीका केन्द्रीय प्रचार विभागका प्रमुख पूर्ण बस्नेतले बताए ।
प्रतिक्रिया