काठमाडौंमा एकीकृत समाजवादीको पहिलो जित, वडा- १५ को वडाध्यक्षमा डंगोल निर्वाचित

काठमाडौं । नेकपा एकीकृत समाजवादीले काठमाडौं जिल्लामा पहिलो जित निकाल्न सफल भएको छ ।

महानगरको वडा नम्बर-१५ मा एकीकृत समाजवादीका उम्मेदवार ईश्वरमान डंगोल विजयी भएका छन् ।

निर्वाचित डंगोलले ३ हजार ४७६ मत पाउँदा उनका निकटतम प्रतिस्पर्धी कांग्रेसका उम्मेदवार जीवन डंगोलले एक हजार ५७२ मत प्राप्त गरे ।

एमालेका उम्मेदवार बनेका पूर्णकाजी डंगोलले एक हजार ३९३ मत ल्याए ।