काठमाडौं । ओखलढुंगामा गएरातिदेखि घरबाटै हराइरहेकी एक युवती अचेत अवस्थामा फेला परेकी छिन् ।
जिल्लाको मानेभञ्याङ गाउँपालिका-५ मा घर भएकी युवती गएराति घरबाटै बेपत्ता भएकी थिइन् । राति परिवारसँगै सुत्न गएकी युवतीलाई बिहान ४ बजे परिवारले नदेखेपछि खोजी गरेका थिए ।
परिवार र स्थानीयले खोजी गर्ने क्रममा उनलाई अचेत अवस्थामा घर भन्दा डेढ किलोमिटर तल सडक छेउमा फेला पारेका हुन् । उनको अहिले मिसन अस्पतालमा उपचार भइरहेको छ । उनलाई थप उपचारका लागि काठमाडौं ल्याउने तयारी भइरहेको प्रहरीले जानकारी दिएको छ ।
युवतीको टाउकोमा चोट देखिएको प्रहरीले जनाएको छ । उनको बलात्कार भएको आशंका गरिएपनि स्वास्थ्य जाँच नगरि यकिन भन्न नसकिने प्रहरीले जानकारी दिएको छ ।
थप अनुसन्धान भइरहेको जनाइएको छ ।
प्रतिक्रिया