काठमाडौँ । सांग्रिला डेभलपमेन्ट बैंकले १ लाख २ हजार ५७४ कित्ता संस्थापक शेयर बिक्रीमा ल्याएको छ। बैंकले आज बिहीबारदेखि उक्त शेयरलाई विद्यमान संस्थापकका लागि बिक्री खुला गरेको हो।
बैंकको केन्द्रीय कार्यालय, बालुवाटारमा रहेका विभिन्न शेयरधनीहरूको नाममा रहेको उक्त शेयर बिक्री खुला गरिएको हो। संस्थापक शेयरधनीहरूले ३५ दिनभित्र आफूले खरिद गर्न चाहेको कित्ता खुलाएर आवेदन दिनुपर्नेछ।
यदि यस अवधिमा आवेदन प्राप्त नभएमा, बैंकले उक्त शेयरलाई आम सर्वसाधारण, संस्थाहरू र कम्पनीहरूलाई बिक्री गर्ने निर्णय लिएको छ।
प्रतिक्रिया