काठमाडौं। सानिमा जिआईसी इन्स्योरेन्स कम्पनीले आफ्नो आगामी साधारणसभामा प्रस्तावित लाभांश सुरक्षित गर्न आज अन्तिम दिन भएको घोषणा गरेको छ। कम्पनीले आगामी चैत्र ८ गते बुक क्लोज गर्ने निर्णय गरेपछि आज, चैत्र ७ गतेसम्म कायम शेयरधनीहरुले मात्र सभामा भाग लिन र प्रस्तावित लाभांश प्राप्त गर्न सक्नेछन्।
कम्पनीले चैत्र २१ गते साधारणसभा बोलाएको छ, जहाँ आर्थिक वर्ष २०८०/८१ को मुनाफाबाट शेयरधनीलाई ७।८९४७ प्रतिशत लाभांश वितरण गर्ने प्रस्ताव पेश गर्नेछ। यसमा ७।५ प्रतिशत बोनस शेयर र ०।३९४७ प्रतिशत नगद लाभांश समावेश हुनेछ। कम्पनीको वर्तमान चुक्ता पुँजी २ अर्ब रुपैयाँ रहेको छ, र बोनस शेयर वितरणपछि कम्पनीको चुक्ता पुँजी २ अर्ब १५ करोड रुपैयाँ पुग्नेछ।
बोनस शेयर वितरणपछि कम्पनीले हकप्रद शेयर जारी गर्ने तयारी गरेको छ, र आगामी साधारणसभामा १७ प्रतिशत हकप्रद शेयर निष्काशनको प्रस्ताव पनि पेश हुनेछ। यस प्रस्तावको पारित भएमा कम्पनीको चुक्ता पुँजी २ अर्ब ५१ करोड रुपैयाँ पुग्नेछ। नेपाल बीमा प्राधिकरणले निर्जीवन बीमा कम्पनीलाई २ अर्ब ५० करोड रुपैयाँ चुक्ता पुँजी राख्न बाध्यकारी व्यवस्था गरेको छ।
यस प्रस्तावित लाभांश र हकप्रद निष्कासनको विषयमा अन्तिम निर्णय साधारणसभामा हुनेछ।
प्रतिक्रिया