काठमाडौं । काभ्रेपलाञ्चोक जिल्लाको पनौती नगरपालिकाको मेयरमा नेपाली कांग्रेसका रामशरण भण्डारी विजयी भएका छन् ।
निकटतम प्रतिस्पर्धी नेकपा एमालेका उम्मेदवार भिम न्यौपानेलाई पराजित गर्दै भण्डारी विजयी भएका हुन् । भण्डारीले १४ हजार ५० मत ल्याए भने न्यौपानेले ११ हजार ७ सय ८३ मत पाए ।
उपमेयरमा भने नेकपा एमालेकी गीता बन्जारा निर्वाचित भएकी छिन् । नेकपा एकीकृत समाजवादीका छविलाल हुँमागाईँलाई पराजित गर्दै बन्जारा उपमेयरमा निर्वाचित भएकी हुन् ।
बन्जाराले १२ हजार ३ सय ३७ मत गरिन् भने हुमागाईले १० हजार ३ सय ८८ मत प्राप्त गरे ।
प्रतिक्रिया