कतारको जेलमा रहेका २१ नेपालीले पाए माफी

काठमाडौं । रोजगारीका लागि कतार पुगेर विभिन्न कारणले जेल परेका २१ नेपालीले माफी पाएका छन् ।

कतारका अमिर शेख तमिमबिन हमाद अल थानीले इस्लाम धर्मावलम्बीहरूको पवित्र महिना रमाजानको अवसरमा त्यहाँका कारागारहरूमा विभिन्न कसुरमा सजाय पाई बन्दी जीवन बिताइरहेका २१ जना नेपालीलाई माफी दिएको कतारस्थित नेपाली दूतावासले जनाएको छ ।

दूतावासका अनुसार माफी पाउनेहरु मध्ये यौनजन्य क्रियाकलापमा ३ जना , चोरीजन्य क्रियाकलापमा ११, मादकपदार्थ बिक्री वितरणमा २ जना र आर्थिक हिनामिनामा ५ जना कसुरदार ठहरी सजाय भोगिरहेका थिए ।