काठमाडौं । चट्याङ लागेर काभ्रेपलाञ्चोल र मकवानपुरमा दुई जनाको मृत्यु भएको छ ।
काभ्रेको महाभारत गाउँपालिका वडा नं. ७ बनखुमा चट्याङ लागेर किशोरीको मृत्यु भएको हो । दुई जना घाईते भएका छन् ।
मंगलबार वेलुकी साँढे ६ बजेको समयमा चट्याङ लागेर दिलबहादुर मोक्तानकी छोरी अन्दाजी १५ बर्षीया कान्छी माँया मोक्तानको मृत्यु भएको हो ।
यता, मकवानपुरमा चट्याङ लागेर एक वृद्धको मृत्यु भएको छ भने एक जना घाइते भएका छन् । मृत्यु हुनेमा राक्सिराङ गाउँपालिका–८ का ६५ वर्षीय जीतबहादुर गोले छन्।
उनलाई उपचारका लागि हेटौँडा ल्याउँदै गर्दा बाटोमै मृत्यु भएको हो।
प्रतिक्रिया