काठमाडौं । नेपाल बार एसोसिएसनको अध्यक्षमा गोपालकृष्ण घिमिरे विजयी भएका छन् ।
सत्तारुढ गठबन्धनबाट उम्मेदवार उठेका घिमिरेसहितको प्यानल नै विजयी भएको हो ।
घिमिरेले नेकपा एमालेनिकट प्रगतिशील तथा पेशागत कानून व्यवसायी समूहका उम्मेदवार विष्णुमणि अधिकारीलाई पराजित गरेका हुन् ।
यस्तै, महासचिवमा गठबन्धन उम्मेदवार अञ्जिता खनाल निर्वाचित भएका छन् भने कोषाध्यक्षमा भरतबहादुर राउत विजयी भएका छन् ।
बारको यही चैत १९ गते काठमाडौं केन्द्रसहित देशभर ३५ स्थानबाट मतदानभएको थियो । बारमा अध्यक्षसहित ११ पदाधिकारी र सदस्यहरु गरी २५ जनाको कार्यसमितिका लागि सात हजार ४२९ मत खसेको थियो ।
प्रतिक्रिया