Logo

कला/साहित्य

ऋजन मायालुको ‘घुम्ती बिक्रीमा छ’ लोकार्पण



काठमाडौं । युवा कवि ऋजन मायालुको ‘घुम्ती बिक्रीमा छ’ शनिबार लोकार्पण गरिएको छ । बैकर्स समेत रहेको मायालुको उक्त कविता संग्रह बरिष्ठ साहित्यकार भुवनहरि सिक्देल, साहित्यकार प्रेमिला राई र कवि स्वयमले संयुक्त रुपमा लोकार्पण गरेका हुन् ।

समारोहमा साहित्यकार प्रेमिला राईले विज्ञान र प्रविधिको युगमा जीवन सहज बनाए पनि मानवीयता र समाजप्रतिको चिन्तन कृतिले समेटेकोमा कविलाई धन्यवाद दिइन् ।

बरिष्ठ साहित्यकार भुवनहरि सिक्देलले जेनजी कवि मायालुको सृजनामा कविताको गहिरो भाव र विम्ब रहेको उल्लेख गर्दै कविताको सुत्र एवम विम्ब बुझेर कलम चलाएको धन्यवाद दिए । समारोहमा सजय सुमन, स्वप्निल स्मृति, महेश क्षितिजलगायतले कविता बाचन गरे ।

२६ कविता समेटिएको कृतिलाई पेज टर्नरले प्रकाशन गरेको हो । समारोहमा आफू प्रकाश कोविदका सिर्जनाहरुबाट प्रभावित रहेको उल्लेख गर्दै मायालुले कविताहरुमा मौलिकता र गहिराई खोज्ने प्रयास गरेको उल्लेख गरे ।

प्रकाशित मिति : १३ मंसिर २०८२, शनिबार  ४ : २६ बजे