अभिनेत्री पूजा शर्माको शल्यक्रिया, फिल्मकर्मीले गरे स्वास्थ्यलाभको कामना

काठमाडौं । मेडिसिटी अस्पतालमा अभिनेत्री पूजा शर्माको एपेन्डिक्सको शल्यक्रिया गरिएको छ । सामाजिक सञ्जालबाट स्वास्थ्य अवस्थाको जानकारी दिंदै उनले फोटो सेयर गरेकी छन् ।

आइतबार शल्यक्रिया गरिएको र सोमबार बेलुकासम्म डिस्चार्ज हुने जनाइएको छ ।

उनले लेखेकी छन्, ‘सफलतापूर्वक अप्रेसन भएको छ र चाँडै स्वास्थ्य रिकभर भएकोमा म खुसी छु अबको समय चाँडो निको हुन डाक्टरको सल्लाह पालना गर्ने र आराम गर्ने हो । मेरो स्वास्थ्यलाभको शुभकामनाको लागि धन्यवाद । तपाईंका दयालु सन्देशले मेरो हृदय कृतज्ञताले भरिएको छ । म भाग्यमानी छु कि मेरो जीवनमा यस्ता अद्भूत व्यक्ति छन् । सुस्वास्थ्य, सुख शान्ति र सदैव तपाईंको साथमा रहोस् । आमेन ।’

कलाकार र विभिन्न क्षेत्रका व्यक्तिले पूजाको स्वास्थ्यलाभको कामना गरेका छन् । कामको कुरा गर्दा पूजाको पछिल्लो फिल्म ‘उपहार : द जर्नी अफ लाइफ’ हालै रिलिज भएको थियो । उनले निर्माण र अभिनय गर्न लागेको फिल्म ‘रावायण’ छायांकन तयारीमा छ ।