सुपर लिग : आज ललितपुर र वीरगन्जबीच खेल हुँदै

काठमाडौं । नेपाल सुपर लिगमा आज दुई टोलीबीच भिडन्त हुँदैछ । आजको खेलमा ललितपुर सिटी फुटबल क्लब र वीरगन्ज युनाइटेड फुटवलक्लबीच खेल हुन लागेकाे हाे । दशरथ रंगशाला, त्रिपुरेश्वरमामा आयोजना हुने सो खेल साँझ ५ बजेबाट सुरु हुनेछ ।

 वीरगन्जले यसअघि दुई खेल खेले पनि दुवैमा हार बेहोरेको थियो । यता, अपराजित ललितपुर भने तीन खेलबाट पाँच अंकसहित तालिकाको दोस्रो स्थानमा छ ।

त्रिपुरेश्वरस्थित दशरथ रंगशालामा हुने यी दुई टिमबीचको खेल साँझ ५ बजेदेखि सुरु हुनेछ । मंसिर ८ गतेदेखि सुरु भएको प्रतियोगितामा नौ टिमको सहभागिता छ ।

प्रतियोगिताको यस सिजन काठमाडौं रेजर्स, धनगढी एफसी, एफसी बुटवल लुम्बिनी, स्पोर्टिङ इलाम डे मेची एफसी, चितवन एफसी, झापा एफसी, वीरगन्ज एफसी, ललितपुर सिटी एफसी, बुटवल लुम्बिनी र पोखरा थन्डर्स सहभागी छन् ।