पूर्वराजा शाह र आदित्यनाथ योगीबीच भेटवार्ता

काठमाडौं । भारत भ्रमणमा निस्किएका पूर्वराजा ज्ञानेन्द्र शाह र भारतीय राज्य उत्तर प्रदेशका मुख्यमन्त्री योगी आदित्यनाथबीच भेटवार्ता भएको छ।

शाह र योगीबीच बुधबार दिउँसो उत्तर प्रदेशको राजधानी लखनऊमा भेट भएको हो । पूर्वराजाका परिवारका अन्य सदस्य पनि सहभागी उक्त भेट सौहार्दपूर्ण वातावरणमा भएको शाहको सचिवालयले जनाएको छ ।

पूर्वराजा शाह वैशाख २२ गते रूपैडिया नाकाबाट भारत गएका हुन् । शाह १० दिने भ्रमणका लागि भारत गएका हुन् ।