सरकार र महावीर पुनका बिचमा सोमबार फेरी वार्ता हुने

काठमाडौँ । सरकार र आन्दोलतरत राष्ट्रिय आविष्कार केन्द्रका प्रमुख महावीर पुनबीच सोमबार फेरी वार्ता हुने भएको छ ।

आइतबार राति भएको वार्तामा कुरा नमिलेपछि सोमबार फेरी वार्ता गर्ने सहमति जुटेको हो ।

पुनले सरकारसँग कुरा मिलनिसकेको भन्दै भनेका छन्,‘आज ५ः ३० बजेदेखि ९ बजे रातिसम्म सिंहदरबारमा वार्ता भयो । भोलि ३ः ३० बजे दिउँसो फेरि वार्ता गर्ने निर्णय भयो । सबै कुरा मिलेको छैन ।’

आइतबार दिउँसो पनि दुई पक्षबीच वार्ता भएको थियो । वार्तामा साँझसम्ममा सहमति खोज्ने र नभए सोमबारसम्ममा सहमति जुटाएर माग पुरा गर्नेगरी अघि बढ्ने सहमति भएको थियो ।