काठमाडौं । एसिसी प्रिमियर कपको सेमिफाइनलमा नेपालले कुबेतसँग खेल्ने भएको छ ।
समूह ‘बी’ को अन्तिम खेलमा कुवेतले हङकङलाई ३० रनले पराजित गरेसँगै सेमिफाइनलमा नेपालसँग खेल्ने पक्का भएको हो ।
कुवेतले दिएको २७३ रनको लक्ष्य पछ्याएको हङकङ अन्तिम बलमा २४२ रनमा अलआउट भयो । जितसँगै कुवेत अन्तिम चारमा पुग्दा हङकङ भने बाहिरियो ।
समूह ‘ए’ बाट नेपाल समूह विजेता र ओमान उपविजेता बनेर अन्तिम चारमा पुगिसकेका छन् । अब सेमिफाइनलमा नेपाल र कुवेत तथा युएई र ओमानबीच खेल हुनेछ । दुवै सेमिफाइनल आगामी शनिबार हुनेछन् ।
फाइनल आगामी सोमबार हुनेछ भने आइतबार तेस्रो स्थानका लागि प्रतिस्पर्धा हुनेछ । प्रतियोगिताको फाइनल जित्ने टिम एसिया कपमा छनोट हुनेछ । एसिया कपमा प्रिमियर कप च्याम्पियन टिम भारत र पाकिस्तान सम्मिलित समूहमा पर्नेछ ।
प्रतिक्रिया