काठमाडौं । माओवादी केन्द्रको चुनाव चिन्हबाट निर्वाचनमा सहभागी हुने सहमतिपछि नेता वामदेव गौतम निर्वाचन आयोगको कार्यालय पुगेका छन् ।
मंगलबार दिउँसो आयोगको कार्यालय पुगेका उनले माओवादी केन्द्रको चुनाव चिन्ह लिएर आगामी संघीय निर्वाचन लड्ने तयारी भइरहेको र यसैको प्रक्रिया बारे बिषय बुझ्न आएको प्रतिक्रिया दिएका छन् ।
पूर्वप्रधानमन्त्री डा. बाबुराम भट्टराई र वामदेव गौतमले आगामी निर्वाचनमा माओवादी केन्द्रको चुनाव चिन्ह हसिया हतौडा लिएर उठ्ने भएका छन् ।
आयोगमा पत्रकारहरुसँग कुराकानी गर्दै गौतमले आफूलाई माओवादीको चुनाव चिन्हबाट निर्वाचन लड्दा सजिलो हुने बताए ।
‘माओवादीको चुनाव चिन्हमा मलाई सजिलो पर्ने भयो,’ गौतमले भने, ‘प्रचण्डजीलाई मैले जिम्मा दिएको छु। उहाँले दाबी गर्नुहुन्छ कि उहाँले नै दिनुहुन्छ त्यो उहाँको कुरा।’
प्रतिक्रिया