Logo

मुख्य समाचार

‘उपाध्यक्ष र उपसभामुख पुरुष अनिवार्य भनेको भए पाँच दिनमा नै नियुक्ति हुने थियो’: वामदेव गौतम



काठमाडौं । राष्ट्रियसभा सदस्य वामदेव गौतमले उपसभामुख र उपाध्यक्ष नियुक्तिका लागि महिला सांसदहरुले आन्दोलन नै गर्नुपर्ने बताएका छन् ।

गौतमले उपसभामुख र राष्ट्रिय सभा उपाध्यक्ष महिला नियुक्त हुनुपर्ने भएकाले सरकार, संसद र राजनीतिक दलहरूको ध्यान नगएको बताएका छन् । उनले यी दुई पदमा निर्वाचन गराउन माग गर्दै महिला सांसदहरूले आन्दोलन गर्नुपर्ने सुझाव दिएका छन् ।

राष्ट्रिय सभाको मंगलबारको बैठकमा गौतमले दलहरूले ती पदमा पुरुषलाई पनि नियुक्त गर्न मिल्ने भए पद रिक्त भएको पाँच दिनमै पूर्ति हुने थियो पनि भनेका छन् ।

‘राष्ट्रिय सभा अध्यक्ष र प्रतिनिधिसभा सभामुख पुरुष भएको भएको हुनाले उपाध्यक्ष र उपसभामुख महिला नै हुने हो । यदि संविधानमा उपाध्यक्ष र उपसभामुख पुरुष अनिवार्य भनेको भए आज होइन खाली भएको पाँच दिनमा नै नियुक्ति हुने थियो । किन सरकार, राजनीतिक दल र संसदको ध्यान पुगेको छैन ? यो लाजमर्दो कुरा हो । महिला माननीयहरूले आन्दोलन नै गर्नुपर्ने हो लाग्छ ।’

सदस्य गौतमले संविधानको धारा ९२ मा राष्ट्रिय सभाको अध्यक्ष र उपाध्यक्ष भन्ने व्यवस्था गरेको भन्दै उपाध्यक्ष बिनाको अध्यक्षको परिकल्पना गर्न नसकिने उल्लेख गरे।

उनले दुईमध्ये कुनै एक पदमा महिला अनिवार्य हुने कुरा संविधानले नै उल्लेख गरेको भन्दै पुरुष नभएपनि हुने तर महिला अनिवार्य हुनुपर्ने बताए।

प्रकाशित मिति : २८ असार २०७९, मंगलबार  १ : १९ बजे

हेल्पिङ हर्ट नेपालको सहयोगमा विपन्न परीवारलाई कम्बल वितरण सिरहा । तराई मधेशका जिल्लामा चिसोबढेसँगै सिराहाका विभिन्न पालिकामा अतिविपन्न घर परीवारलाई कम्बल वितरण गरिएको छ।  हेल्पिङ हर्ट नेपालको सहयोगमा जिल्लाको लहान, गोलबजार, महनौर र अर्नमा गाउँ पालिकामा गरी २५० गरिव, दलीत, विपन्न तथा एकलमहिलालाई कम्बल प्रदान गरिएको हो । सिराहामा बढ्दो सितलहरका कारण विपन्न परिवारका सदस्यको कठ्याङ्ग्रिएर मृत्युसम्म हुने गरेकाले चिसोबाट जोगिन जिल्लाको लहान नगरपालिकाको ५ र १९ नम्वर वडामा ५०/५० थान, गोलबजार नगरपालिका ११ थान, नरहा गाउँपालिका ३ थान र खोरिया, अर्नमागाउँ पालिका १ थान, महनौरमा ५०/५० घर परीवारलाई कम्बल प्रदान गरिएको संस्थाका जिल्ला संयोजक जियाउद्दिन खानले बताए ।