काठमाडौं । प्रहरी अतिरिक्त महानिरीक्षक (एआईजी) मा बढुवा सिफारिसप्रति असन्तुष्ट डीआईजीहरु लोकसेवा आयोगको कार्यालयमा पुगेका छन् ।
एआईजी बढुवाप्रति असन्तुष्टि जनाउँदै निवेदन लिएर उनीहरु आयोग पुगेका हुन् । नेपाल प्रहरीका तीन डीआईजीलाई एआईजीमा बढुवा सिफारिस गरिएकोमा उनीहरु असन्तुष्ट रहेका छन् ।
बढुवा समितिले यही चैत १ गते डीआईजीहरू वसन्त पन्त, धीरजप्रताप सिंह र रवीन्द्र धानुकलाई एआईजीमा बढुवा गर्न सिफारिस गरेको थियो ।
आफूहरुभन्दा जुनियरलाई एआईजी सिफारिस गरिएको भन्दै डीआईजी ईश्वरबाबु कार्की लगायतका डीआईजीहरु आयोग पुगेका हुन् ।
प्रतिक्रिया