काठमाडौं । प्रहरीले स्रोत नखुलेको ४० लाख रुपैयाँसहित एक युवकलाई पक्राउ गरेको छ।
उपत्यका प्रहरी कार्यालय टेकुको टोलीले गोरखाको सिरानचोक गाउँपालिका–९ का २४ वर्षीय स्वरुपराज दवाडीलाई काठमाडौंको न्युरोड क्षेत्रबाट पक्राउ गरेको जनाएको छ।
प्रहरीका अनुसार दवाडीले बोकेको झोलाबाट ४० लाख रुपैयाँ बरामद भएको हो। बरामद रकमको स्रोत खुलाउन नसकेपछि उनलाई नियन्त्रणमा लिइएको प्रहरीले जनाएको छ।
घटनाबारे थप अनुसन्धानका लागि दवाडीलाई प्रहरी वृत्त जनसेवा तथा पीसीसीबीको जिम्मामा राखिएको छ। प्रहरीले रकमको स्रोत र उद्देश्यबारे अनुसन्धान जारी रहेको जनाएको छ।
प्रतिक्रिया