गैरआवासीय नेपाली संघको उच्च स्तरीय समिमतले संघ एकता प्रक्रिया अघि बढाउने निर्णय गरेको छ

काठमाडौं । गैरआवासीय नेपाली संघको उच्च स्तरीय समिमतले संघको एकता प्रक्रिया अघि बढाउने निर्णय गरेको छ। यस सम्बन्धमा समिमतका सदस्य डा. बद्री के.सी.ले आज एक प्रेस विज्ञप्ति जारी गर्दै आगामी दिनहरूमा संघको एकता सन्दर्भमा विस्तृत छलफल र संवाद गर्नुपर्ने आवश्यकता रहेको बताउनु भएको छ।

उक्त निर्णय उच्चतम अदालतको २०८० माघ २१ गतेको फैसलामा आधारित रहेको छ, जसमा गैरआवासीय नेपाली संघका सदस्यता र अन्य विवादित मुद्दाहरूको समाधानका लागि एकता प्रक्रिया अनिवार्य बनाइएको थियो। अदालतको आदेशको पालना गर्दै संघको एकता प्रक्रिया अघि बढाउने कार्यसमिति गठन गरिने जानकारी दिइएको छ।

समिमतका सदस्यहरूले संघको एकता प्रक्रियामा सबैका सहयोग र सहभागिता आवश्यक रहेको बताएका छन्। विज्ञप्तिमा भनेको छ, “समिमतका सदस्य र गैरआवासीय नेपाली समुदायले अदालतको आदेशलाई पूर्ण रूपमा पालन गर्नेछन् र संघको एकता प्रक्रियालाई पारदर्शी र स्पष्ट ढंगले अघि बढाउनेछन्।”

अदालतको आदेशको पालना नगरेमा कानूनी कारवाही हुने चेतावनी पनि दिइएको छ। समिमतले भनेको छ कि, “अदालतको आदेशको कुनै पनि प्रकारको उल्लङ्घन वा अवज्ञा गर्न पाइँदैन, र यसले संघको एकता प्रक्रियामा अवरोध पुर्याउन सक्छ।”

परराष्ट्र मन्त्रालयले यस सम्बन्धमा आवश्यक प्रशासनिक कार्यवाही गर्ने र अदालतको आदेशको पूर्ण पालना गर्ने प्रतिबद्धता जनाएको छ। समिमतले सबैलाई अदालतको आदेश पालन गर्न आह्वान गरेको छ र संघको एकता प्रक्रिया अघि बढाउने कार्यलाई स्थिरता र पारदर्शितासाथ अघि बढाउने कुरा दोहोर्याएको छ।