काठमाडौं । प्रधानमन्त्री नरेन्द्र मोदीले शुक्रबार पूर्वप्रधानमन्त्री मनमोहन सिंहलाई उनको दिल्लीस्थित निवासमा अन्तिम श्रद्धाञ्जली दिएका छन् ।
प्रधानमन्त्रीले मनमोहन सिंहको निधनमा परिवारप्रति समवेदना पनि व्यक्त गरेका छन् । केन्द्रीय गृहमन्त्री अमित शाह र केन्द्रीय स्वास्थ्य मन्त्री तथा बीजेपी राष्ट्रिय अध्यक्ष जेपी नड्डाले पनि मनमोहन सिंहलाई अन्तिम श्रद्धाञ्जली दिए ।
पूर्वप्रधानमन्त्री निवासमा केसी वेणुगोपाललगायत कांग्रेसका नेताहरु पनि उपस्थित थिए ।
मनमोहन सिंहको उमेरसँग सम्बन्धित स्वास्थ्य अवस्थाका कारण ९२ वर्षको उमेरमा बिहीबार साँझ दिल्लीको एम्समा निधन भएको हो । घरमै अचानक बेहोस भएपछि उनलाई दिल्लीको एम्स अस्पताल लगिएको थियो ।
पूर्वप्रधानमन्त्रीको पार्थिव शरीरलाई सार्वजनिक अवलोकनका लागि दिल्लीस्थित अखिल भारतीय कांग्रेस कमिटी (एआईसीसी) मुख्यालयमा राखिनेछ ।
यस्तै, कांग्रेस सांसद र लोकसभा विपक्षी नेता (एलओपी) राहुल गान्धीले शुक्रबार राष्ट्रिय राजधानीमा उनको निवासमा पूर्व प्रधानमन्त्री मनमोहन सिंहलाई अन्तिम श्रद्धाञ्जली दिएका छन् ।
कांग्रेस सांसद राहुल गान्धीले पनि पूर्वप्रधानमन्त्रीका परिवारप्रति समवेदना प्रकट गरेका छन् । कांग्रेस नेता सोनिया गान्धी, प्रियंका गान्धी वाड्रा, केसी वेणुगोपाल, देवेन्द्र यादव र अन्य पार्टीका नेताहरू पनि पूर्व प्रधानमन्त्रीको निवासमा उपस्थित थिए ।
पूर्वप्रधानमन्त्री मनमोहन सिंहलाई धेरै नेता तथा व्यक्तित्वहरूले श्रद्धाञ्जली अर्पण गरेका छन् । प्रधानमन्त्री नरेन्द्र मोदी केन्द्रीय मन्त्रीहरू अमित शाह र जेपी नड्डाको साथमा उनको अन्तिम श्रद्धाञ्जली दिन पूर्वप्रधानमन्त्रीको निवास पुगेका थिए। उनीहरुले शोकको घडीमा परिवारजनमा समवेदना प्रकट गरेका छन् ।
प्रतिक्रिया