काठमाडौं । नेपाली काँग्रेसको १४औँ महाधिवेशनमा सभापतिका उम्मेदवार शेखर कोइरालाले सोमबार बिहान वरिष्ठ नेता रामचन्द्र पौडेलसँग भेट गरेका छन्।
कोइराला पौडेललाई भेट्न बिहान पौडेल निवास बोहराटार नै पुगेका थिए । कोइरालाले पौडेलसँग संस्थापन इतर पक्ष एक हुन नसकेकोमा आफूलाई दु:ख लागेको बताएका थिए ।
पौडेलले प्रकाशमान सिंह र शेखर कोइराला मिलेर गएको भए राम्रो हुने बताएका थिए । कोइरालाले पौडेललाई आफूलाई साथ र समर्थनका लागि पनि अनुरोध गरेको बताइएको छ ।
इतर पक्ष एक हुन नसकेपछि निराश बनेका वरिष्ठ नेता पौडेलले चुनावमा नजाने घोषणा गरिसकेका छन् ।
नेपाली काँग्रेसको नयाँ नेतृत्व चयनका लागि आज मतदान हुँदैछ । सभापति पदमा ५ उम्मेदवार चुनावी मैदानमा रहेका छन् ।
प्रतिक्रिया