काठमाडौं । स्पेनिस ला लिगामा रियल मड्रिडद्वारा सेभिया पराजित भएको छ ।
आइतबार राति भएको खेलमा रियलले एक गोलको अग्रता उल्टाएर सेभियालाई २–१ ले पराजित गरेको हो ।
रियलका लागि करिम बेन्जेमा र भिनिसियस जुनियरले एक एक गोल गरे । सेभियाका लागि भने राफा मिरले एक गोल गरे ।
खेलको १२ औं मिनेटमा राफा मिरले गोल गर्दै सेभियालाई अग्रता दिलाएका थिए ।
तर, ३२ औं मिनेटमा करिम बेन्जिमाले गोल गर्दै रियललाई बराबरी गोल फर्काए । त्यसपछि ८७ औं मिनेटमा भिनियस जुनियरले गोल गर्दै रियललाई २–१ को जित दिलाए ।
जितसँगै शीर्ष स्थानमा रहेको रियलको १४ खेलबाट ३३ अंक रहेको छ । रियलले दोस्रो स्थानको एट्लेटिको म्याड्रिडलाई ४ अंकले पछि पारेको छ ।
सेभिया २८ अंकसहित चौंथो स्थानमा छ ।
प्रतिक्रिया