काठमाडौं । नेपाली कांग्रेस ललितपुर जिल्ला सभापतिका लागि आज मतदान हुँदैछ ।
जिल्ला सभापतिका लागि तीन जना उम्मेदवार मैदानमा रहेका छन् । सभापतिका लागि जितेन्द्र कुमार श्रेष्ठ, मीनकृष्ण महर्जन र रामकृष्ण चित्रकार चुनावी मैदानमा उत्रिएका हुन् ।
सभापतिमा प्रतिस्पर्धा गरेका श्रेष्ठ र महर्जनले बाँकी कार्यसमितिमा भने संयुक्त प्यानल बनाएका छन् ।
श्रेष्ठ र महर्जनलाई कांग्रेस नेता उदय शम्शेर राणाको समर्थन छ भने अर्का उम्मेदवार चित्रकारलाई जिल्ला सभापति मदन अमात्यको समर्थन रहेको छ ।
यसअघिको चुनावमा पनि सभापतिका लागि श्रेष्ठ र महर्जनले सभापतिका लागि उम्मेदवारी दिएका थिए । तर, दुवै जनाले बहुमत ल्याउन नसकेपछि हालका सभापति अमात्यलाई सहयोग गरेका थिए ।
प्रतिक्रिया