काठमाडौं । श्रम रोजगार तथा सामाजिक सुरक्षा मन्त्री शेरबहादुर कुँवर र इजरायलका राजदूत खनान गोदेरबीच शिष्टाचार भेटवार्ता भएको छ ।
राजदुत गोदेर मन्त्री कुँवरलाई भेट्न सोमबार मन्त्रालय पुगेका थिए । मन्त्री कुँवर र राजदूत गोदेरबीच विशेष गरी दुई देशबीचको श्रम सम्झौता बारे छलफल भएको छ ।
छलफलमा मन्त्री कुँवरलाई राजदूत गोदेरले हिजो मात्रै इजरायल सरकारले कृषिका लागि थप १ हजार नेपाली कामदार लैजाने विषयमा टुंगो लगाएको जानकारी गराएका थिए ।
त्यस्तै, उनले यसअघि सहायक कामदारको लागि ९ हजार ६९९ जनाले निवेदन दिएकोमा १ हजार १४७ जना कामदार छनौट भएर इजरायल जाने तयारीमा रहेको पनि जानकारी गराएका थिए ।
भेटमा मन्त्री कुँवरले गोदेरलाई नेपाली जनतालाई इजरायल सरकाले उपलब्ध गराएका सबै प्रकारका सहयोगका लागि धन्यवाद दिएका थिए ।
साथै, उनले आगामी दिनमा पनि इजरायल सरकारले नेपालका कृषी, पर्यटन, उद्योग लगायतका विभिन्न क्षेत्रमा सहयोग गर्ने अपेक्षा व्यक्त गरे ।
प्रतिक्रिया