ग्लोबल आइएमई बैंकका कार्डधारकलाई सेल्सबेरीमा १० प्रतिशत क्यासब्याक

काठमाडौँ । ग्लोबल आइएमई बैंक लिमिटेडका कार्डधारक ग्राहकहरूले सेल्सबेरी स्टोरहरूमा १० प्रतिशतसम्म क्यासब्याक पाउने भएका छन्। यस सम्झौतामा बैंकको तर्फबाट प्रकाश पौडेल र सेल्सबेरीका प्रमुख कार्यकारी अधिकृत शुशिलमान प्रधानाङ्गले हस्ताक्षर गरेका हुन्।

सम्झौताअनुसार, ग्लोबल आइएमई बैंकका डेबिट र क्रेडिट कार्डधारक ग्राहकहरूले देशभरका ३७ वटा सेल्सबेरी स्टोरहरूमा प्रत्येक हप्ताको शुक्रबार १० प्रतिशत क्यासब्याक पाउनेछन्, जसको अधिकतम राशि रु. २०० सम्म हुनेछ। क्यासब्याकको सुविधा Point of Sale (POS) मेशिनमार्फत गरिएको कारोबारमा लागू हुनेछ।

ग्लोबल आइएमई बैंकलाई २०२४ मा ग्लोबल फाइनान्स र युरो मनी अवार्डबाट नेपालको सर्वश्रेष्ठ बैंकको रूपमा सम्मान प्राप्त भएको छ। यस बैंकको देशभर ३५४ शाखा, ३८५ एटीएम र १,१०० भन्दा बढी सेवा केन्द्रहरू छन्।

बैंकले नेपाली नागरिकलाई बैंकिङ सेवाहरू मात्र होइन, विभिन्न देशहरूबाट रेमिट्यान्स सेवा पनि उपलब्ध गराउँदै आएको छ। यसले अमेरिका, यूके, क्यानडा, अस्ट्रेलिया, मलेशिया, दक्षिण कोरिया, जापान, साउदी अरब, कतार, यूएई, बहराइन, कुवेत, भारत र जोर्डन लगायत अन्य देशहरूबाट रेमिट्यान्स भित्र्याउने काम गर्दै आएको छ।