झापा । बुद्धशान्ति गाउँपालिका वडा नं. २ का वडा अध्यक्ष डिल्ली प्रसाद ओलीलाई घुस लिएको आरोपमा प्रहरीले पक्राउ गरेको छ। ईलाका प्रहरी कार्यालय, अनारमनीमा प्राप्त सूचनाका आधारमा अख्तियार दुरुपयोग अनुसन्धान आयोगको टोलीले ओलीलाई रु. ८०,००० (असी हजार रुपैयाँ) घुससहित नियन्त्रणमा लिएको हो।
अनुसन्धानका क्रममा, ओलीले सेवाग्राहीसँग जग्गा पासको सिफारिस गर्नका लागि सो रकम माग गरेको पाइएको छ। यस विषयमा उनले वडा कार्यालयमा भएको सहमति कार्यान्वयन गर्नका लागि उक्त रकमको माग गरेका थिए।
ओलीलाई भ्रष्टाचार निवारण ऐन, २०५९ को दफा ३ को उपदफा (१) अन्तर्गतको कसुरमा आरोप लगाइएको छ। यसैगरी, उनको विरुद्ध बिगो रु. ८०,००० कायम गरी जरिवाना र कैद सजायको माग गर्दै आज विशेष अदालत, काठमाडौंमा आरोप-पत्र दायर गरिएको छ।
प्रतिक्रिया