रास्वपाको दुई दिने बन्द कार्यशाला सुरु, यस्ताे छ एजेन्डा

काठमाडाैं । रास्वपाको दुई दिने बन्द कार्यशाला सुरु भएकाे छ । केन्द्रीय कार्यालय वनस्थलीमा बन्द कार्यशाला सुरु भएकाे हाे । कार्यशाला आज र भोलि (बिहान ७ देखि साँझ ७ बजे)सम्म चल्ने छ ।

साउन १० गतेको केन्द्रीय समिति बैठकले पार्टीका पदाधिकारी तथा नेतृत्वमा रहेका सदस्यहरुलाई रणनीतिक रुपमा क्षमता अभिबृद्धि गर्न सघन प्रशिक्षण र आगामी अभियानका लागि दुई दिने बन्द कार्यशाला (क्लोज क्याम्प) सञ्चालन गर्ने निर्णय गरेको थियो ।

कार्यशालामा विचार, संगठन, मूल्य/मान्यता, संसदीय मामिला, लिडरसिप एकेडेमी र क्यान्डिडेट क्लब तथा पार्टी अभियानबारे गहन छलफल हुने जनाइएकाे छ ।

पार्टीको रणनीति तयारीमा समेत सहयोग पुग्ने अपेक्षा गरिएको कार्यशालामा केन्द्रीय पदाधिकारी, सदस्य र केन्द्रीय विभागका गरी ५० जना सहभागी छन् ।