जन्ती बाेकेकाे जीप दुर्घटनामा ६ जनाकाे मृत्यु

बैतडी । आइतबार राति बैतडीमा जन्ती बाेकेकाे जीप दुर्घटना हुँदा ६ जनाकाे मृत्यु भएकाे छ । पाँच जनाकाे घटनास्थलमै र एक जनाकाे उपचारका लागि धनगढी ल्याउने क्रममा मृत्यु भएकाे हाे। 

दशरथचन्द नगरपालिका–२ देहिमाडौँबाट जन्ती बोकेर दशरथचन्द नगरपालिका–६ सिमायलतर्फ जाँदै गरेको म१ज ३१० नंको जीप आइतबार राति ८ बजेतिर दशरथचन्द राजमार्गको गोठलापानी–झुलाघाट सडक खण्डअन्तर्गत दशरथचन्द नगरपालिका–४ कलुवाड मोडमा दुर्घटनामा परेको हो ।

राति साढे आठ बजेतिर जीप सडकबाट झण्डै पाँच सय मिटर तल खसेको थियो । दुर्घटनाको कारण खुल्न नसकेको जिल्ला प्रहरी कार्यालयले जनाएको छ ।