ब्राजिल र भेनेजुएला १–१ को बराबरी

काठमाडौं । फिफा विश्वकप–२०२६ दक्षिण अमेरिकी छनोटमा अग्रता जोगाउन नसक्दा ब्राजिल घरेलु मैदाममै भेनेजुएलासँग १–१ को बराबरीमा रोकिएको छ ।

शुक्रबार एरेना पान्टानलमा भएको खेलमा ग्याब्रियल मागालहाइसले गोल गर्दै ब्राजिललाई अग्रता दिलाएका थिए । ५०औँ मिनेटमा नेइमारको पासलाई मागालहाइसले पोस्टको दिशा दिएका थिए ।

बराबरीपछि ब्राजिल तीन खेलबाट सात अंकसहित तालिकाको दोस्रो स्थानमा छ । समान खेलबाट चार अंकको भेनेजुएला छैटौँ स्थानमा छ । 

दक्षिण अमेरिकी छनोटअन्तर्गत शुक्रबार नै भएका अरू खेलमा उरुग्वे र कोलम्बिया २–२ को बराबरीमा रोकिए । इक्वेडरले बोलिभियालाई २–१ ले हरायो । चिलीले पेरुमाथि २–० को जित निकाल्यो ।