विश्वकप क्रिकेटमा न्युजिल्याण्डको विजयी शुरुवात

काठमाडौं । न्युजिल्यान्डले विश्वकप क्रिकेट प्रतियोगितामा विजयी सुरुवात गरेको छ । बिहीबार भारतको अहमदावादस्थित नरेन्द्र मोदी क्रिकेट स्टेडियममा न्युजिल्यान्डले साविक विजेता इंग्ल्यान्डमाथि ९ विकेटको सानदार जित हात पारेको हो ।

इंग्ल्यान्डले दिएको २८३ रनको लक्ष्य न्युजिल्यान्डले ३६।२ ओभरमा एक विकेटको क्षतिमा पूरा गरेको हो । न्युजिल्यान्डको जितमा डेविड कानवे र रचिन रविन्द्रले नटआउट शतक बनाए ।

यसअघि जो रुटले ७७ रन बनाएपछि इंग्ल्यान्डले ५० ओभरमा ९ विकेट गुमाएर २८२ रन बनाएको थियो ।