काठमाडौं । पाकिस्तानलाई ३–० ले पराजित गर्दै भारतले तेस्रो पटक साफ यू–१९ च्याम्पियन बनेको छ ।
काठमाडौंको दशरथ रंगशालामा भएको खेलमा भारतका मालिङथन किप्गेनको २ गोल र गोगमसर गोयारीले अन्तिम समयमा गरेको गोलको मद्दतमा भारतले पाकिस्तानमाथि सहज जित हासिल गरेको हो ।
डिफेन्डिङ च्याम्पियन भारतले यो सहित तेस्रो पटक यू–१९ साप च्याम्पियनसिप जितेको हो । भारतले यसअघि सन् २०२२ र सन् २०१९ मा बंगलादेशलाई हराउँदै यो उपाधि जितेको थियो ।
खेलको अन्तिम मिनेटमा अलिजफले दोस्रो पहेंलो कार्ड पाएर मैदान छाडेपछि पाकिस्तान १० खेलाडीमा सीमित भएको थियो ।
प्रतिक्रिया