गोली प्रहारबाट घाइते रोहित चौधरीको निधन

धरान । धरान-इटहरी सडकखण्डको सेउतीपुल नजिक गोली प्रहारबाट घाइते विराटनगर उपमहानगरपालिका-५ का २८ वर्षीय रोहित चौधरीको निधन भएको छ । बिपी प्रतिष्ठानमा उनको उपचारको क्रममा ज्यान गएको हो ।

उनीमाथी बेलुकी तीन जनाको समुहमा रहेका अपरिचित समुहले सेउतीपुल नजिक गोली प्रहार गरी लुटपाट गरेका थिए । धनकुटाको मुलघाटबाट विराटनगर अाउँदै गरेका विराटनगर-५ का २८ वर्षीय रोहित चौधरीमाथि हतियारधारी समूहले लुटपाट गरेको थियो ।

गोली प्रहार गरी लुटपाट गरिएका चौधरीको साथबाट मोबाइल र पैसा लुटेर लागेको लुटेरा फरार भएका छन् । तीन जनाको समूहमा आएका लुटेरा मध्ये २ जना सँग खुकुरी र एक जना सँग पेस्तोल रहेको मृतक चौधरी सँगै रहेकी युवतीले जानकारी दिइन ।