इमर्जिङ कपका लागि नेपाली टोली घोषणा

काठमाडौं । नेपाल क्रिकेट संघले एसीसी इमर्जिङ टिम्स कप क्रिकेटका लागि नेपाली टोली घोषणा गरेको छ । श्रीलंकामा हुने इमर्जिङ टिम्स कपका लागि रोहित पौडेलको कप्तानीमा १६ सदस्यीय टोली घोषणा गरेको हो ।

पौडेलको कप्तानीमा कुशल भुर्तेल, आसिफ शेख, अर्जुन साउद, कुशल मल्ल, आरिफ शेख, देव खनाल, गुल्सन झा, सोमपाल कामी, भीम सार्की, प्रतिश जिसी, ललित राजवंशी, श्याम ढकाल, सन्दीप जोरा, सूर्य तामाङ र किशोर महतोले टिममा स्थाना बनाएका छन् ।

टिममा करण केसी, सन्दीप लामिछाने, दीपेन्द्रसिंह ऐरी र ज्ञानेन्द्र मल्ल भने अटाएनन् । लामिछाने र ऐरी टी–२० ग्लोबल खेल्न क्यानडा जाने भएकाले टीममा नपरेका हुन् । इमर्जिङ कपको समूह बी मा नेपाल, युएई, पाकिस्तान ए र भारत ए छन् । समूह ए मा श्रीलंका ए, बंगलादेश ए, अफगानिस्तान ए र ओमान छन् ।