काठमाडौं । नक्कली भुटानी शरणार्थी प्रकरणको थुनछेक बहश लम्बिएको छ ।
अभियुक्तहरुका कानून व्यवसायी धेरै भएका कारण बहश लम्बिएको हो । यसअघि सरकारी वकिलका लागि निर्धारण गरिएको समयभित्रै बहश सकिएको भएपनि प्रतिवादीहरुका वकिलले धेरै समय लिएपछि बहश नै लम्बिएको हो ।
जिल्ला अदालत काठमाडौंका न्यायाधीश प्रेमप्रसाद न्यौपानेको इजलाशमा मंगलबार बहश सक्ने तयारी भएपनि पूवृगृहमन्त्री बालकृष्ण खाँणका अधिवक्ताहरुले लामो बहश गरेपछि बुधबार समेत खाँणकै वकिलका लागि समय निर्धारण गरिएको छ ।
यसअघि बिहिबारसम्म सबै बहश सक्न न्यायाधीशले समय दिएका थिए । तर मंगलबार पूर्वगृहमन्त्री बालकृष्ण खाणका तर्फबाट मङ्गलवार १० जना वकिलहरूले बहस गरेका छन् ।
अठार आरोपितका तर्फबाट ११० जना वकिलले बहस गर्न नाम टिपाएकोमा मङ्गलवारसम्म ६५ जनाले मात्र बहस सकेका छन् । अझै पाँच जना प्रतिवादीका वकिलहरूले बहस गर्न बाँकी छ ।
आरोपितका वकिलहरुले बहश सकाएपछि सरकारी वकिलका लागि जवाफी बहशका लागि समय दिइनेछ । यसले यो प्रकरणको थुनछेक बहशले अझै केही समय लिने देखिएको छ ।
प्रतिक्रिया