काठमाडौं । नेपालले प्रधानमन्त्री थ्री नेसन्स कपको उपाधि जितेको छ ।
शुक्रबार दशरथ रंगशालामा भएको खेलमा लाओसलाई २–१ गोलले पराजित गर्दै नेपालले उपाधि जितेको हो ।
खेलको पहिलो हाफसम्म नेपाल र लाओसले १–१ गोलको बराबरी खेलेका थिए । तर खेलको दोस्रो हाफमा नेपालका लागि मनिष डाँगीले गोल थप्दै उपाधि दिलाएका हुन् ।
पहिलो हाफमा लाओसका फोउचाङभोङ साङ्भिले पहिलो गोल गरेका थिए । केही समयमै नेपालका आयुष घलानले बराबरी गोल फर्काएका थिए । नेपालका मनिष डाँगी म्यान अफ म्याच घोषित भए ।
प्रतिक्रिया