रोल्पामा रुखबाट लडेर एकको मृत्यु

काठमाडौं । रोल्पामा रुखबाट लडेर एक किशोरको मृत्यु भएको छ ।

जिल्लाको गंगादेव गाउँपालिका-५, उदिनढुङ्गा निवासी ओन्द्र वलीका १६ वर्षीय छोरा थलराज वलीको रुखबाट लडेर शुक्रबार राति मृत्यु भएको हो ।

शुक्रबार साँझ घर नजिकैको बारीको रुखमा घाँस काट्न चढेका वली लडेर घाइते भएका थिए ।

उनलाई उपचारका लागि मेडिकल कलेज कोहलपुर लगेकोमा गए राति मृत्यु भएको प्रहरीले जानकारी दिएको छ ।