एजेन्सी । पाकिस्तानका प्रधानमन्त्री इमरान खानको हत्याको षड्यन्त्र रचिएको दाबी गरिएको छ । पाकिस्तानमा सूचना एवं प्रशारण मन्त्री फवाद हुसैन चौधरीले यस्तो दाबी गरेका हुन् ।
उनले ट्वीटरमा सुरक्षा एजेन्सीले यस्तो जानकारी दिएको बताएका छन् ।
फवाद चौधरीले थपेका छन्, ‘त्यसपछि सरकारको निर्णय अनुसार प्रधानमन्त्री खानको सुरक्षामा कडाई गरिएको छ ।’
प्रधानमन्त्री इमरान खानको सरकार अविश्वास प्रस्तावमा सामना गरिरहेको छ । तीन अप्रिलमा यसबारे चर्चाका लागि मतदान हुँदैछ ।
एक दिन अघि राष्ट्रको नाममा आफ्नो सन्देशमा प्रधानमन्त्री इमरान खानले आफूले अन्तिम समयसम्म पनि लड्ने र राजीनामा नदिने बताएका थिए ।
प्रतिक्रिया