संसद्‌मा ६ दलको प्रतिनिधित्व, रास्वपा १८२ सिटसहित पहिलो दल

काठमाडौं । प्रतिनिधिसभामा अब ६ राजनीतिक दलको प्रतिनिधित्व हुने भएको छ । फागुन २१ मा सम्पन्न निर्वाचनको मतपरिणामपछि प्रतिनिधिसभामा दलहरूको संख्या ६ मा सीमित भएको हो।
निर्वाचन परिणामअनुसार राष्ट्रिय स्वतन्त्र पार्टी (रास्वपा) सबैभन्दा ठूलो दल बनेको छ। रास्वपाले प्रत्यक्षतर्फ १२५ र समानुपातिकतर्फ ५७ सिट जित्दै कुल १८२ सांसदसहित संसद्मा पहिलो स्थान हासिल गरेको छ।
नेपाली कांग्रेस ३८ सिटसहित दोस्रो स्थानमा रहेको छ। कांग्रेसले प्रत्यक्षतर्फ १८ र समानुपातिकतर्फ २० सिट प्राप्त गरेको हो।
त्यस्तै, नेकपा एमालेले प्रत्यक्षतर्फ ९ र समानुपातिकतर्फ १६ सिट जित्दै कुल २५ सिट पाएको छ। नेपाल कम्युनिस्ट पार्टी (नेकपा)ले प्रत्यक्षतर्फ ८ र समानुपातिकतर्फ ९ गरी १७ सांसद प्रतिनिधिसभामा पठाउने भएको छ।
श्रम संस्कृति पार्टीले प्रत्यक्षतर्फ ३ र समानुपातिकतर्फ ४ गरी कुल ७ सिट प्राप्त गरेको छ। राष्ट्रिय प्रजातन्त्र पार्टी (राप्रपा)ले प्रत्यक्षतर्फ १ र समानुपातिकतर्फ ४ गरी ५ सिट जितेको छ।
यसका साथै प्रतिनिधिसभामा एक जना स्वतन्त्र सांसद पनि निर्वाचित भएका छन्।
निर्वाचनको अन्तिम मतपरिणाम सार्वजनिक भएसँगै प्रतिनिधिसभाको शक्ति सन्तुलन स्पष्ट भएको छ।