काठमाडौं । नेपाल राष्ट्र बैंक (एनआरबी) ले चाडपर्वको अवसरमा डिजिटल वालेटमार्फत भुक्तानी गर्ने दैनिक सीमा बढाएको छ । अब उपभोक्ताले दिनमा अधिकतम ४० पटकसम्म डिजिटल वालेट प्रयोग गरेर भुक्तानी गर्न सक्नेछन् ।
पहिले दैनिक १० पटकसम्म मात्र भुक्तानी गर्न पाइने व्यवस्था रहँदै आएकोमा आगामी असोज १३ देखि २१ र कात्तिक ३ देखि १० गतेसम्मको अवधि लागि यो सीमा अस्थायी रूपमा ४० पटकसम्म पुर्याइएको हो ।
एनआरबीका अनुसार चाडपर्वमा उपभोक्तालाई सजिलो र नगद कारोबारको भार कम गर्न यस्तो व्यवस्था गरिएको हो ।
प्रतिक्रिया