काठमाडौं – आगलागी भएको दश दिनपछि नेपाली कांग्रेसले पहिलोपटक पार्टी कार्यालयमै औपचारिक बैठक गरेको छ। शुक्रबार बिहान उपसभापति पूर्णबहादुर खड्काको अध्यक्षतामा पार्टीको कार्यसम्पादन समिति बैठक सुरु भएको हो।
आगोले पार्टी कार्यालयभित्रको लाइब्रेरी र दस्तावेज ध्वस्त भए पनि पुरानो बैठक हल जोगिएको थियो। बैठक त्यही हलमा भइरहेको छ।
बैठकमा सभापति शेरबहादुर देउवा, नेता डा. शेखर कोइराला र अर्जुननरसिंह केसी सहभागी छैनन्। बैठकका निर्णयबारे दिउँसो २ बजे पत्रकार सम्मेलनमार्फत जानकारी गराइने कांग्रेसले जनाएको छ।
प्रतिक्रिया