काठमाडौं – अभिनेता दिलीप रायमाझी आगामी चलचित्र ‘हेल्लो काँशीराम’को प्रमोशनका लागि नेपाल आउने भएका छन्। निर्माण कम्पनी रेडलाइन फिल्मस् प्रा.लीले जानकारी दिएको छ कि उनी २ हप्ताभित्र नेपाल आइपुग्नेछन्।
पारिवारिक कामका लागि केही समयअघि अमेरिका प्रस्थान गरेका दिलीप नेपाल फर्किन लागेका हुन्। नेपाल फर्किनासाथ उनी मिडियासँग अन्र्तवार्ता, दर्शक भेटघाट र विभिन्न कार्यक्रमहरूमा व्यस्त हुनेछन्।
यो फिल्म आगामी जेठ २ गते देशभरका हलमा एकसाथ सार्वजनिक हुँदैछ। ‘हेल्लो काँशीराम’ सेन्सर बोर्डबाट युनिभर्सल सर्टिफिकेट प्राप्त गरेको छ, जसका कारण अब हरेक वर्गका दर्शकले फिल्मलाई सहजै हेर्न पाउनेछन्।
चलचित्रको फस्टलुक पोस्टर हालै सार्वजनिक गरिएको छ, जसमा दिलीप रायमाझीलाई बोको बोकेर भागिरहेको देखाइएको छ। यस फिल्मको लेखन र निर्देशन रिम विश्वकर्माले गरेका हुन्।
फिल्ममा दिलीप रायमाझीसँगै वरिष्ठ कलाकारहरू सुरविर पण्डित, रामचन्द्र अधिकारी, शुशिल पोखरेल लगायतका कलाकारहरूले अभिनय गरेका छन्। यसमा प्रियंका कार्कीको विशेष भूमिका पनि रहेको छ।
फिल्मको नृत्य निर्देशन कविराज गहतराजले गरेका हुन्, भने द्वन्द्व निर्देशन शंकर महर्जनको छ। फिल्मका गीतहरूमा चर्चित गायक–गायिकाहरूको आवाज रहेको छ।
निर्माता, निर्देशक र कलाकारहरूले प्रमोशनका लागि विभिन्न कार्यक्रमहरूको तयारी गरिरहेका छन्।
प्रतिक्रिया