विराटनगर । कोसी ब्यारेज पुलबाट खसेको यात्रुबाहक बसबाट २० जनाको उद्धार गरिएको छ । सुनसरीका प्रमुख जिल्ला अधिकारी रामचन्द्र तिवारीले चालक र सहचालकसहित अहिलेसम्म २० जनाको उद्धार गरिएको जानकारी दिएका हुन् ।
सुनसरीका प्रहरी निरीक्षक वीरेन्द्रसिंह थापाका अनुसार, विराटनगरबाट सप्तरी जाँदै गरेको को १ ख ४६०१ नम्बरको यात्रुबाहक बस कोसीमा खसेको हो ।
बसमा सवार यात्रुको संख्या यकिन हुन बाँकी छ । अहिले उद्धार कार्य जारी छ ।
बस अनियन्त्रित भई पुलबाट तल खसेको प्रत्यक्षदर्शीलाई उद्धृत गर्दै प्रहरीले जनाएको छ ।
प्रतिक्रिया