काठमाडौं । पर्वतमा शनिबार बिहान बसले ट्याक्टरलाई ठक्कर दिँदा एक जनाको मृत्यु भएको छ ।
डी लोकमार्गअन्तर्गत पर्वतको कुश्मा नगरपालिका–८ परादीमा बसले ट्याक्टरलाई ठक्कर दिँदा उदयपुर जिल्लाको चौदण्डीगढी नगरपालिका–२ का १८ वर्षीय विशाल लामिछानेको मृत्यु भएको हो ।
उनको घटनास्थलमा नै मृत्यु भएको प्रहरीले जनाएको छ । दुर्घटनामा २३ जना घाइते भएका छन् । वीरगञ्जबाट बागलुङतर्फ आउँदै गरेको ग २ ख ००९८ नम्बरको यात्रुबाहक बसले सडक मजदुर लिएर पातीचौरबाट दोबिल्ला आउँदै गरेको को १ च ६४२७ नम्बरको ट्याक्टरलाई बिहान ७ बजे ठक्कर दिँदा दुर्घटना भएको हो ।
घाइतेमध्ये पाँच जनाको अवस्था गम्भीर रहेको बताइएको छ । गम्भीर घाइतेलाई उपचारका लागि पोखरा पठाइएको छ ।
बस र चालकलाई प्रहरीले नियन्त्रणमा लिएको छ ।
प्रतिक्रिया